Qazaxıstanlı futbolçu Yamalı arxada qoydu
Qazaxıstanın “Kayrat” klubunun hücumçusu Dastan Satpayev 2025-ci ildə vurduğu qolların sayında “Barselona”nın futbolçusu Lamin Yamalı geridə qoyub.
TodayPress TV xəbər verir ki, bu barədə Sports24.kz nəşri məlumat yayıb.
Satpayev cari ildə 16 qol vuraraq, 19 yaşadək futbolçular arasında dünyanın ilk 20 liqasının bombardirləri siyahısında “Vasko da Qama”nın oyunçusu Rayanla eyni göstəricini paylaşıb.
“Çelsi”nin yayda “Palmeyras”dan transfer etdiyi Estevao isə onlardan bir top geridə qalıb.
Qeyd edək ki, Dastan Satpayev gələn ilin avqustunda “Çelsi”nin oyunçusu olacaq. Müqavilə artıq imzalanıb, lakin transfer FIFA-nın yetkinlik yaşına çatmayan futbolçularla beynəlxalq keçidlərə qoyduğu qadağaya görə təxirə salınıb.
Namiq HUN
