“Qalatasaray” “Liverpul”la himn üzərindən zarafat etdi
“Heç vaxt tək getməyəcəksən, amma xalsız qala bilərsən”.
TodayPress TV xəbər verir ki, İstanbul təmsilçisi “Liverpul”u məğlub edərək sosial şəbəkədə atmacalı mesaj paylaşıb.
UEFA Çempionlar Liqasının Liqa mərhələsinin II turunda “Qalatasaray” doğma meydanda Mersisayd təmsilçisini Viktor Osimhenin yeganə qolu ilə (1:0) məğlub edib.
Oyundan sonra “Qalatasaray”ın mətbuat xidməti sosial şəbəkə X üzərindən məşhur “Liverpul” himninə (“You’ll Never Walk Alone” – “Heç vaxt tək getməyəcəksən”) eyhamla zarafat mesajı paylaşıb:
“Heç vaxt tək getməyəcəksən, amma xalsız qala bilərsən.”
Xatırladaq ki, Çempionlar Liqasının hazırkı qalibi Fransanın “Paris Sen-Jermen” klubudur.
Namiq HUN
