Litva Hörmüzə mütəxəssislər göndərəcək
Litva Hörmüz boğazında naviqasiyanın bərpası üçün yaradılacaq beynəlxalq koalisiyaya qoşulacaq.
TodayPress TV xəbər verir ki, bu qərar Litva prezidenti Gitanas Nausedanın sədrliyi ilə keçirilən Dövlət Müdafiə Şurasının iclasında qəbul edilib.
Məlumata görə, Litva Müdafiə Nazirliyindən 40 hərbi və mülki mütəxəssisin əməliyyata cəlb olunması nəzərdə tutulur. Hökumətə isə ölkə silahlı qüvvələrinin beynəlxalq missiyalarda iştirakı ilə bağlı mandat dəyişiklikləri üçün parlamentə müraciət etmək tapşırılıb.
Qeyd edilib ki, Litvada xaricdə hərbi kontingentin yerləşdirilməsi ilə bağlı qərarlar parlamentin səlahiyyətinə daxildir.
