İsraildə daha bir körpə qızılcadan həyatını itirdi

İsraildə davam edən qızılca epidemiyası nəticəsində daha bir azyaşlı dünyasını dəyişib. Qüdsdəki “Shaare Zedek” Tibb Mərkəzində 18 aylıq uşaq xəstəlikdən vəfat edib.

TodayPress TV xəbər verir ki, bu barədə İsrail Səhiyyə Nazirliyi məlumat yayıb.

Bildirilib ki, uşağın peyvənd olunmadığı aşkarlanıb. Bu, ölkədə indiki qızılca dalğası zamanı qeydə alınan ikinci ölüm faktıdır. İlk ölüm hadisəsi ötən çərşənbə günü Qüdsdə “Hadassah” Tibb Mərkəzində qeydə alınmış və peyvənd olunmamış iki yaşlı uşaq həyatını itirmişdi.

Nazirliyin açıqlamasına görə, aprelin əvvəlindən bəri 526 qızılca hadisəsi təsdiqlənib, onlardan 209-u hazırda aktivdir. Altı yaşdan kiçik 19 uşaq xəstəxanaya yerləşdirilib. 

Qiymət Mahir