Hindistan Rusiyadan əlavə zenit-raket kompleksi alacaq
Hindistan Rusiyadan əlavə beş ədəd “S-400” zenit-raket kompleksi almaq istəyir.
TodayPress TV xəbər verir ki, bu barədə “Hindustan Times” məlumat yayıb.
“Hindistan Müdafiə Nazirliyinin yüksək rəhbərliyi bu həftə rusiyalı həmkarları ilə görüşəcək. Görüşdə məqsəd ya birbaşa Moskva ilə yeni beş “S-400” zenit-raket kompleksinin alınması, ya da onların birgə istehsalı imkanlarını müzakirə etməkdir. Bu addım Hindistanın uzaqmənzilli müdafiə qabiliyyətini gücləndirmək üçün atılır”, - deyə nəşr bildirib.
Qeyd edək ki, tərəflər artıq əlavə sistemlərin qiyməti ilə bağlı prinsipial razılığa gəliblər.
Aysel Mətləb
