Regionumuzda maaş və cərimə fərqi - Hansı ölkədə nə qədərdir?

Milli Məclisin plenar iclasında çıxış edən deputat Qüdrət Həsənquliyev bildirib ki, cəzanın həcmi müəyyən olunarkən ölkənin iqtisadi vəziyyəti, əhalinin orta gəlir səviyyəsi, sosial rifah göstəriciləri nəzərə alınmır. Onun sözlərinə görə, dünyanın müxtəlif dövlətlərində cərimələrin həddi ölkənin inkişaf səviyyəsinə görə fərqli olur. 

TodayPress TV qonşu ölkələrlə vəziyyəti müqayisə edib:

Rusiya: Orta aylıq əmək haqqı 1 460 - 2 270 AZN (orta hesabla 1 800-2 000 AZN). Minimum əmək haqqı təxminən 46 000 RUB (780-800 AZN). Regionlara (xüsusilə Moskva) görə böyük fərq var.  

Türkiyə: Orta aylıq əmək haqqı 1 530 - 1 615 AZN (təxminən 42 000 TRY). Minimum əmək haqqı - 1 114 AZN.  

Ermənistan: Orta aylıq əmək haqqı 1 290 - 1 365 AZN (təxminən 303 000 AMD). İrəvanda daha yüksək, regionlarda aşağıdır.  

Azərbaycan: Orta aylıq əmək haqqı 1 100-1 171 AZN. Bakıda daha yüksək (1 375 AZN-ə qədər). Minimum əmək haqqı 400 AZN.

Rusiya və Türkiyə ən yüksək gəlir səviyyəsinə malikdir. 

Cərimələrə gəldikdə isə, ən aşağı cərimə səviyyəsi Ermənistan, ən yüksək cərimə səviyyəsi isə Türkiyədədir.

Azərbaycan:

Sürət həddini 10-20 km/s aşma: 10-80 AZN  

21-40 km/s: 50-80 AZN  

41-60 km/s: 150-200 AZN  

61 km/s və daha çox: 250-300 AZN  

Telefonla danışmaq: 50 AZN  

Kəmər taxmamaq: 40 AZN  

Alkoqol: 500 AZN və ya vəsiqənin 6-12 ay alınması.

Türkiyə:

Cərimələr lirə ilə tez dəyişir. Sürət pozuntuları üçün təxmini 35-170+ AZN, alkoqol üçün ilk dəfə 500-600 AZN və daha yüksək (təkrar hallarda artır). 

Rusiya:

Cərimələr orta səviyyədədir və təxmini 17-170 AZN arasında dəyişir. Bəzi hallarda 850 AZN-i keçə bilir. 

Ermənistan:

Ən aşağı cərimə səviyyəsi Ermənistandır. Minimum cərimə təxminən 17 AZN başlayır. Sürət aşması üçün 40-135 AZN arasındadır.

Azərbaycanda cərimələr digər ölkələrə nisbətən daha yüksəkdir. Cərimələrin artırılması bu riski minimuma endirmək məqsədi daşıyır.

Türkan İsgəndərli