NATO-nun Azərbaycandakı nümayəndəliyi 28 Mayla bağlı paylaşım etdi

"28 May Azərbaycanın Müstəqillik Gününü qürurla qeyd edirik". 

TodayPress TV xəbər verir ki, bu barədə NATO-nun Azərbaycandakı nümayəndəliyi “X” sosial şəbəkəsindəki hesabında paylaşım edib.

"Bu gün biz 1918-ci ildə müsəlman dünyasında ilk demokratik respublika olan Azərbaycan Xalq Cümhuriyyətinin yaradılmasını fəxrlə yad edirik. 

Bu əlamətdar gün bizim suverenliyə, birliyə və inkişafa olan sarsılmaz sadiqliyimizi əks etdirir, qəhrəmanlarımızın fədakarlığını və xalqımızın dözümünü ehtiramla anır.

Bu qürurverici gün münasibətilə bütün azərbaycanlıları ürəkdən təbrik edirik. Müstəqillik gününüz mübarək", - deyə paylaşımda bildirilib.

Töhfə Səməd