Azərbaycan 2025-ci ildə humanitar dəstəyi genişləndirib
“2025-ci ildə Azərbaycan qlobal miqyasda humanitar yardım və dəstək fəaliyyətini də aktiv şəkildə davam etdirib. Bu çərçivədə Ukraynaya indiyədək ümumilikdə 73 humanitar, bərpa və yenidənqurma yönümlü yardım göndərilib”.
TodayPress TV xəbər verir ki, bunu Azərbaycan Respublikasının xarici işlər naziri Ceyhun Bayramov ilin yekunlarına dair mətbuat konfransında deyib.
Onun sözlərinə görə, yardımların ümumi dəyəri 71 milyon manata yaxın olub ki, bu da 44 milyon ABŞ dollarından artıq məbləğ təşkil edir.
Nazir əlavə edib ki, 2025-ci il ərzində Suriyaya da 200 humanitar yardım göndərilib. Eyni zamanda İslam Əməkdaşlıq Təşkilatı, Qoşulmama Hərəkatı və inkişaf etməkdə olan kiçik ada dövlətləri qrupuna daxil olan ölkələrə, eləcə də tarixi, dini və mədəni bağlılığın mövcud olduğu və humanitar böhran yaşayan dövlətlərə yardım və dəstək göstərilməsi davam etdirilib.
Qiymət Mahir
