Nəsimi rayonunda “Həmrəylik körpüsü” adlı tədbir keçirildi

“Konstitusiya və Suverenlik ili” çərçivəsində Nəsimi Rayon İcra Hakimiyyətinin təşkilatçılığı ilə “Həmrəylik körpüsü” adlı tədbir keçirilib.

TodayPress TV xəbər verir ki, tədbirdə Nəsimi Rayon İcra Hakimiyyətinin başçısı Elxan İbrahimov, rayon ictimaiyyətinin nümayəndələri, ziyalılar, gənclər, şəhid ailələri və qazilər iştirak ediblər.

Tədbir Azərbaycan Respublikasının Dövlət Himninin səsləndirilməsi ilə başlayıb, Vətən uğrunda canlarından keçmiş şəhidlərin xatirəsi bir dəqiqəlik sükutla yad edilib.

Çıxışlar zamanı “Konstitusiya və Suverenlik ili”nin ölkə üçün tarixi əhəmiyyəti vurğulanıb, milli həmrəyliyin möhkəmləndirilməsinin dövlət siyasətinin əsas prioritetlərindən biri olduğu qeyd edilib. Bildirilib ki, Dünya Azərbaycanlılarının Həmrəylik Günü milli birliyin, dövlətçilik iradəsinin və suverenlik anlayışının simvoludur.

Tədbirdə xüsusi olaraq şəhid ailələri və qazilərin iştirakına diqqət çəkilib, onların fədakarlığının Azərbaycan dövlətçiliyinin və müstəqilliyinin qorunmasında müstəsna rol oynadığı qeyd olunub. Vurğulanıb ki, şəhid ailələri və qazilərə göstərilən diqqət və qayğı dövlət siyasətinin prioritet istiqamətlərindəndir.

Tədbir Dünya Azərbaycanlılarının Həmrəylik Günü və Yeni il münasibətilə səsləndirilən təbriklərlə yekunlaşıb.

Qiymət Mahir

TodayPress TV