İsrailli politoloq SİRLƏRİ AÇDI: “Məhz bu addım hücumu qətiləşdirib”

“Am Kalavi” əməliyyatı İsrailin özünü müdafiə hüququnun təzahürüdür".

İsrailli politoloq Elina Bardax-Yalov bunu TodayPress TV-yə danışarkən bildirib.  

Onun sözlərinə görə, İsrail “Aslan kimi millət” (“Am Kalavi”) əməliyyatını özünü müdafiə hüququ çərçivəsində qabaqlayıcı addım kimi atıb. Qüds rəsmiləri, İranın uranın zənginləşdirilməsini sürətləndirməsi və təkrar olunan dron hücumlarını “davam edən hərbi hücum” hesab edir və bu isə BMT Nizamnaməsinin 51-ci maddəsinin tətbiqinə əsas verir.

"Əməliyyat baxımından, hücum İsrail rəhbərliyində, lakin ABŞ-nin koordinasiyası ilə həyata keçirilib: Vaşinqton əvvəlcədən məlumatlandırılıb, amma Amerika qüvvələri kənarda qalaraq yalnız 100-dən çox İrana məxsus pilotsuz uçuş aparatının vurulması ilə məhdudlaşıb. ABŞ prezidenti Donald Tramp bu “kənar durma” mövqeyini sonradan təsdiqlədi. Avropa İttifaqı ehtiyatlı davranmağa çağırdı".

Analitikin qənaətincə, bu diqqətlə seçilmiş mesaj İsrailin əsas Qərb əlaqələrini qoruyur, eyni zamanda Avropada daha geniş müharibə narahatlığını üzə çıxarır. Həm Avropa, həm də ABŞ qəbul edir ki, İsrail sonsuza qədər İranın artan təhdidi altında yaşaya bilməz. İranın nüvə proqramındakı son açıqlamalar Yerusəlimin qərarını daha da möhkəmləndirdi. 

"Beynəlxalq dəstək olsa da, olmasa da qətiyyətli tədbirlər zəruridir. Ümumiyyətlə, bu əməliyyat nəticəsində İranın nüvə silahı istehsal tempini yavaşlatmaq və ona olan maliyyə və strateji xərcləri artırmaq üçün vaxt qazandırdı. Lakin yenə də hava qüvvələri təkbaşına Tehranı qeyri-müəyyən müddətə nüvə həddinin altında saxlaya bilməz. Bu əməliyyat sadəcə müəyyən vaxt əsasında strateji seçimlər etmək üçün imkanlar yaradır".

Qeyd edək ki, iyunun 13-də səhər saatlarında İsrail İran ərazisində yerləşən bir neçə nüvə obyektinə zərbələr endirib. Nəticədə ölkənin bir sıra yüksəkvəzifəli hərbi şəxsləri həlak olub. Həmçinin İsrail Hərbi Hava Qüvvələri İranda yerləşən və İsrailə qarşı yönəlmiş ballistik raketləri də məhv edib.

Töhfə Səməd