Gündəlik 30 qram qoz yeməyin beyinə TƏSİRLƏRİ

Amerika və Avropa universitetlərinin birgə apardığı araşdırmaya görə, gündəlik olaraq 30 qram qoz istehlakı yaddaş güclənməsinə və konsentrasiyanın artmasına səbəb ola bilər.

TodayPress TV xəbər verir ki, qozun tərkibində yüksək miqdarda "omeqa-3" yağ turşuları, "E" vitamini, antioksidantlar və maqnezium mövcuddur. 

Bu komponentlər beyin hüceyrələrinin yenilənməsini, sinir ötürücülərinin daha effektiv işləməsini dəstəkləyir.

Mütəxəssislər bildirir ki, qoz yalnız yaşlı insanlar üçün deyil, eyni zamanda tələbələr və zehni əmək ilə məşğul olanlar üçün də əla təbii "beyin qidasıdır". Araşdırmalar Alzheimer kimi xəstəliklərin başlanğıc riskini azaltmaqda da qozun mühüm rol oynaya biləcəyini göstərir.

Türkan İsgəndərli