ABŞ-də stressi ölçən “ağıllı” diş sapı hazırlandı

Amerikalı alimlər kortizol hormonunun səviyyəsini müəyyən edən diş sapı icad ediblər. 

TodayPress TV xəbər verir ki, bu yenilik Tafts Universitetinin mütəxəssisləri tərəfindən hazırlanıb və “ACS Applied Materials & Interfaces” jurnalında dərc olunub.

İxtira gündəlik diş təmizliyi zamanı tüpürcəyi toplayaraq tutacaqdakı mikrosensor vasitəsilə 10 dəqiqəyə kortizol səviyyəsini ölçür və nəticəni birbaşa smartfona ötürür. Sensor “molekulyar iz” texnologiyası ilə hazırlanıb və yüksək dəqiqliklə işləyir.

Alimlər bildirib ki, bu cihaz stressin erkən aşkarlanması üçün praktik vasitə ola bilər. Gələcəkdə bu texnologiyanın digər biogöstəriciləri də analiz edə biləcək formaya gətirilməsi planlaşdırılır.

Qiymət Mahir