Qızılın qiyməti yenidən qalxdı
Qızılın qiyməti yeni tarixi rekorda çatıb.
TodayPress TV xəbər verir ki, bu barədə Comex birjası (New York Ticarət Birjasının bölməsi) məlumat yayıb.
Məlumata görə, 2025-ci ilin dekabr ayı üzrə fyuçerslərin dəyəri bir troya unsiyası üçün 4 250 ABŞ dollarını ötüb.
Saat 07:11-ə (Bakı vaxtı ilə) qızılın qiyməti 4 255,4 dollar (+0,72%) olub. Sonradan artım bir qədər zəifləyərək 08:05-də 4 249,5 dollara (+0,58%) düşüb.
Eyni zamanda, gümüş fyuçerslərinin qiyməti bir az ucuzlaşaraq 52,4 dollar səviyyəsində qərarlaşıb. Gecə saatlarında isə gümüş də tarixdə ən yüksək səviyyə olan 52,89 dollar göstəricisinə çatıb.
