"Santos" Neymarla müqaviləni uzatdı

Braziliyanın “Santos” klubu 33 yaşlı hücumçu Neymarla müqavilənin 2025-ci ilin sonunadək uzadıldığını rəsmi olaraq açıqlayıb. 

TodayPress TV xəbər verir ki, klub bu barədə sosial şəbəkədəki hesabında məlumat yayıb:

“Harada ki, hər şey başladı. Harada ki, heç vaxt bitməyəcək!” - deyə paylaşımda qeyd olunub.

Yeni müqaviləyə əsasən, Neymarın klubda qalma müddəti daha sonra uzadıla da bilər.

Xatırladaq ki, Neymar “Santos”un yetirməsidir və peşəkar karyerasına 2008-ci ildə burada başlayıb. 2013-cü ildə “Barselona”ya keçən futbolçu, 2025-ci ilin yanvarında azad agent kimi yenidən Santus təmsilçisinə qayıdıb.  Forvard “Santos”un heyətində meydana çıxdığı 237 oyunda, 139 qol vurub və 69 məhsuldar ötürmə edib. 

Namiq HUN