“Milan”ın ürəyi susdu: Franko Barezi ilə vida

“Milan” klubu vəfat edən əfsanəvi sabiq futbolçusu Franko Barezi ilə bağlı təsirli vida mesajı yayımlayıb.

TodayPress TV xəbər verir ki, 66 yaşında ağır xəstəlikdən sonra dünyasını dəyişən Barezi ilə bağlı klubun rəsmi açıqlamasında onun “Milan”ın ürəyi və ruhu olduğu vurğulanıb.

Bəyanatda deyilir:

““Milan”ın ürəyini və ruhunu təcəssüm etdirən bir insanın itkisini elan etmək inanılmaz dərəcədə ağırdır. Lakin klubumuzun hər bir üzvü və bütün milanlılar Franko Barezinin xatirəsini ehtiramla yad etməlidir. Bu kədərli anda güclü olmalıyıq. Frankonu cəmi bir neçə ay əvvəl “San Siro”da, Milanda keçiriləcək Qış Olimpiya Oyunlarının açılış mərasimində son dəfə ictimaiyyət qarşısında görmüşdük. O, həmin möhtəşəm tədbirin unudulmaz olmasına öz töhfəsini vermişdi.

Frankonun xatirəsi naminə birik. Bilirik ki, o, bundan sonra da bizi “rossoneri” yolunda ruhlandıracaq. Əbədi. Çünki Barezi əbədidir”.

Qeyd edək ki, Franko Barezi bütün peşəkar karyerasını (1978–1997) yalnız “Milan”da keçirib. O, klubla 6 dəfə İtaliya çempionu olub, 4 İtaliya Superkuboku, 3 UEFA Çempionlar Liqası və 1 UEFA Superkuboku qazanıb.

Namiq HUN