Azərbaycan Dünya Çempionatını boykot etdi
UEFA FİFA-nın kommersiya hüquqlarının bir hissəsini özəl investorlara satmaq planına etiraz olaraq Dünya Kuboku da daxil olmaqla, qurumun təşkil etdiyi bütün turnirləri boykot etmək qərarı qəbul edib.
TodayPress TV xəbər verir ki, qərar UEFA-ya üzv olan 55 milli assosiasiyanın dəstəyi ilə qəbul edilib.
Bildirilib ki, FİFA mübahisəli planından geri çəkilməyəcəyi təqdirdə, UEFA-ya üzv ölkələrin - o cümlədən Azərbaycanın - milli komandaları Dünya Kuboku və FİFA-nın digər turnirlərində iştirak etməyəcək.
UEFA bəyan edib ki, bu təşəbbüs futbolun idarəçiliyi prinsiplərinə və idmanın əsas dəyərlərinə ziddir.
