Ukrayna NATO-dan 3500 su və yanacaq sisterni tələb etdi
Ukrayna infrastrukturun məhv edilməsinin nəticələri ilə mübarizə üçün təcili olaraq NATO-dan 3500 tanker və 600 soyuducu yük maşını tələb edib.
TodayPress TV xəbər verir ki, bu barədə Avro-Atlantik Fəlakətlərə Cavab Koordinasiya Mərkəzi (EADRCC) məlumat yayıb.
Məlumatda bildirilir ki, Ukrayna Silahlı Qüvvələri infrastruktur obyektlərinin dağıdılmasının nəticələri ilə mübarizə üçün NATO strukturları vasitəsilə beynəlxalq yardım tələbi göndərib.
Əlavə olunmuş sənəddə aşağıdakılar sadalanır: “20 kubmetrədək tutumu olan 520 su sistern avtomobili (işlənmiş ola bilər), 10 kubmetrədək tutumu olan 1100 qoşqu-sistern, 600 soyuducu avtomobil, 1500 soyuducu qoşqu, 12 kubmetrədək tutumu olan 2 448 yanacaqdaşıyan avtomobil və 18 kubmetr tutumlu 568 yanacaqdaşıyan avtomobili”.
