Qətər: İsrail-HƏMAS arasında razılığa gəlmək vaxt aparacaq

İsrail və HƏMAS arasında Qəzza zolağında atəşkəslə bağlı razılaşma əldə etmək vaxt tələb edəcək. 

TodayPress TV xəbər verir ki, bu barədə Qətər rəsmiləri bildiriblər.

Qətərin Baş nazirinin müşaviri və Xarici İşlər Nazirliyinin nümayəndəsi Məcid əl-Ənsari deyib ki, hələlik danışıqların nə vaxt başa çatacağı ilə bağlı konkret vaxt demək mümkün deyil.

O qeyd edib ki, proses davam edir və tərəflərlə ayrı-ayrılıqda məsləhətləşmələr aparılır, lakin hələlik detallı məlumat verilmir. 

Xatırladaq ki, iyulun 6-da İsrail və HƏMAS Misir, Qətər və ABŞ-nin vasitəçiliyi ilə Dohada danışıqları bərpa ediblər. Məqsəd Qəzzada atəşkəsə nail olmaq və israilli girovların azad edilməsidir.

Türkan İsgəndərli