Papa XIV Leo yeni şəxsi katib təyin etdi
Roma Katolik Kilsəsinin rəhbəri Papa XIV Leo özünə yeni şəxsi katib təyin edib.
TodayPress TV xəbər verir ki, bu vəzifəyə İtaliyanın San Miniato yeparxiyasının keşişi Marko Billeri gətirilib. O, Papa Leonun ikinci şəxsi katibi olacaq.
2016-cı ildə keşiş vəzifəsinə təyin olunan 41 yaşlı Marko Billeri Romada təhsil alaraq kanon hüququ üzrə doktorluq dərəcəsi qazanıb. O, Toskana kilsə tribunalında, San Miniato Basso və Volterra yeparxiya tribunallarında müxtəlif vəzifələrdə işləyib, həmçinin San Miniato Bassodakı Müqəddəs Stiven və Martin kilsələrində xidmət göstərib.
Yeni katib Papa Leonun birinci şəxsi katibi – perulu Edqard İvan Rimaycuna İnqa ilə birlikdə fəaliyyət göstərəcək.
Jalə Rövşən
