Myanmada 900 min narkotik həb müsadirə olundu
Myanmanın cənubundakı Bago regionunda hüquq-mühafizə orqanları 900 min stimullaşdırıcı həbi ələ keçirib.
TodayPress TV xəbər verir ki, bu barədə dövlətə məxsus “Myanma Alinn” qəzeti məlumat yayıb.
Bildirilib ki, 24 iyun tarixində Vav qəsəbəsində aparılan əməliyyat zamanı narkotiklərlə mübarizə polisi bir avtomobili saxlayaraq axtarış aparıb. Nəticədə külli miqdarda narkotik vasitə aşkarlanıb və üç şübhəli şəxs həbs edilib.
Müsadirə olunan həblərin dəyəri təxminən 1,35 milyard kyat (təqribən 640 min ABŞ dolları) olaraq qiymətləndirilir.
Qiymət Mahir
