Lavrov Quterreşi ittiham etdi

Rusiya xarici işlər naziri Sergey Lavrov BMT Baş katibi Antonio Quterreşi səlahiyyətlərindən sui-istifadə etməkdə ittiham edib.

TodayPress TV xəbər verir ki, bu barədə "TASS" məlumat yayıb.

Lavrov bildirib ki, Quterreş "öz vəzifəsindən müntəzəm şəkildə sui-istifadə edir" və əsas məlumatların paylaşılmasından imtina edir. Onun sözlərinə görə, bu mövqe Quterreşin 2022-ci ildə Buçada tapılan şəxslərin siyahısını Rusiyaya təqdim etməməsi və 2014-cü ildə Odessada baş verən hadisələrlə bağlı araşdırma aparılmaması ilə bağlıdır.

Nazir qeyd edib ki, onun narahatlığı Quterreşin şəxsiyyəti ilə deyil, vəzifəsinə görədir.

Türkan İsgəndərli