KİV: Avropa ölkələri Ukraynaya qoşun göndərməkdən çəkinirlər

Avropa ölkələri ABŞ-nin reaksiyasından çəkindiklərinə görə Ukraynaya hərbi kontingent göndərməkdən ehtiyat edirlər.

TodayPress TV xəbər verir ki, bu barədə Brüsseldə yerləşən “European Policy Centre” beyin mərkəzinin eksperti Pol Teylor “The Guardian” qəzetində dərc olunan məqaləsində yazıb.

Ekspertin sözlərinə görə, Avropa liderləri eyni zamanda ölkə daxilində artan siyasi və iqtisadi çətinliklərlə üzləşirlər. Onlar Kiyevə hərbi və maliyyə dəstəyini gücləndirmək, eləcə də müharibədən sonrakı dövr üçün təhlükəsizlik zəmanətlərini əhatə edən etibarlı plan hazırlamaq yollarını axtarırlar.

Pol Teylor qeyd edib ki, Avropa dövlətləri arasında atəşkəsə nail olmaq imkanına dair ciddi şübhələr var. O əlavə edib ki, ABŞ-nin sabit və güclü dəstəyi olmadan Avropa ölkələri Rusiyanı çəkindirmək üçün zəruri olan nə siyasi, nə də hərbi potensiala malikdir.

Qiymət Mahir