Kəşmirdə daşqınlar davam edir, ölən və itkin düşənlər var

Pakistanla Hindistan arasındakı Kəşmir bölgəsində davam edən leysan yağışlar ciddi daşqınlara və torpaq sürüşmələrinə səbəb olub.

TodayPress TV xəbər verir ki, bu barədə "AFP" məlumat yayıb. 

Rəsmilərin verdiyi açıqlamaya görə, azı 32 nəfər həlak olub, bir neçə nəfər isə itkin düşüb. Ölüm halları əsasən suyun qalxması nəticəsində baş verən torpaq sürüşmələri ilə əlaqələndirilir.

Pakistanın Pəncab əyalətindəki yerli hakimiyyət orqanları daşqınların təsirini azaltmaq üçün ordu qüvvələrinin köməyinə müraciət ediblər.

Hava proqnozlarına əsasən, şiddətli yağışların bu həftə ərzində də davam edəcəyi gözlənilir.

Qeyd edək ki, torpaq sürüşməsi Hindistandakı populyar hindu zəvvarlıq marşrutunu da vurub.

Aysel Mətləb