İsrail: İrana qarşı hərbi əməliyyatda məqsədlərə nail olundu

İsrail İrana qarşı keçirdiyi hərbi əməliyyatın bütün məqsədlərinə çatıb.

TodayPress TV xəbər verir ki, bu barədə İsrailin Baş naziri Benyamin Netanyahunun ofisi bildirib.

Qeyd olunub ki, bu əməliyyatla nüvə və raket təhlükəsi aradan qaldırılıb.

Xatırladaq ki, İsrail iyunun 13-də hərbi əməliyyata başlayıb. Əməliyyatda 200-dən çox təyyarə iştirak edib və İranda üç nüvə obyektinə, hərbi bazalara və silah istehsalı mərkəzlərinə zərbələr endirilib. Əsas məqsəd İranın nüvə silahı hazırlamasının qarşısını almaq olub.

Buna cavab olaraq, İran əməliyyata start verib və İsrailə yüzlərlə pilotsuz təyyarə və raket göndərib.

İyunun 22-si isə ABŞ də hücumlara qoşulub və İranın nüvə obyektlərinə zərbələr endirib. 

Türkan İsgəndərli