İsrail İordan çayının ətrafına əlavə iki batalyon göndərir

İsrail Müdafiə Qüvvələri (IDF) İordan çayının qərb sahilindəki vəziyyətin kəskinləşməsi fonunda əraziyə əlavə iki batalyon göndərmək qərarına gəlib. 

TodayPress TV xəbər verir ki, bu barədə ordunun mətbuat xidməti məlumat yayıb.

Açıqlamada bildirilir ki, təhlükəsizlik vəziyyətinin qiymətləndirilməsi nəticəsində, Mərkəzi Komandanlığa tabe olan bölgənin (Qərb sahili) gücləndirilməsi üçün belə bir addım atılıb.

Ordu qeyd edib ki, müharibə şəraitində vəziyyət daima təhlil olunur və bunun əsasında müxtəlif istiqamətlərdə əməliyyat tapşırıqlarının yerinə yetirilməsi üçün zəruri kadrlar ayrılır. 

İsrail vətəndaşlarının təhlükəsizliyini təmin etmək üçün həm müdafiə, həm də hücum əməliyyatları davam etdiriləcək.

Türkan İsgəndərli