İraqda su qıtlığı böhranı dərinləşir

İraq quraqlıq və qonşu ölkələrdən gələn su axınının azalması fonunda kəskin su çatışmazlığı ilə üzləşib. 

TodayPress TV xəbər verir ki, bu barədə “RİA”ya ölkənin Kənd Təsərrüfatı Nazirliyinin müşaviri Mehdi Damad məlumat verib.

Damadın sözlərinə görə, 2019-cu ildə yağıntıların bol olması səbəbindən ölkənin su ehtiyatları 65 milyard kubmetrə çatmışdı. Hazırda isə İrandan və Türkiyədən gələn suyun həcmi son dərəcə azdır, yağıntılar isə kritik səviyyədədir.

“İçməli suyun vilayətlərə çatdırılmaması və yeraltı su ehtiyatlarının tükənməsi ciddi təhlükə yaradır”, - deyə rəsmi bildirib. 

O, ölkənin su ehtiyacını tam təmin etmək məqsədilə qonşu dövlətlərlə danışıqlar aparacaq səlahiyyətli bir qrupun yaradılmasının vacibliyini vurğulayıb.

Qiymət Mahir