İran hava məkanının bir hissəsini açdı

İranın Mülki Aviasiya Təşkilatının Koordinasiya Komitəsinin qərarına əsasən, ölkənin mərkəzi və qismən qərb bölgələri üzərindəki hava məkanı beynəlxalq və tranzit uçuşlar üçün açılıb.

TodayPress TV xəbər verir ki, bu barədə İranın Yollar və Şəhərsalma Nazirliyinin nümayəndəsi Məcid Əxvan məlumat verib.

Əxvanın sözlərinə görə, hazırkı şəraitdə təhlükəsizlik amilləri nəzərə alınmaqla, ölkənin şərq hissəsindəki hava məkanından əlavə olaraq, mərkəzi və qərb bölgələrinin müəyyən hissələri də yalnız beynəlxalq və tranzit reyslər üçün istifadəyə verilib.

Qeyd edək ki, şərq bölgəsinin hava məkanı həm daxili, həm də beynəlxalq və tranzit uçuşlar üçün uzun müddətdir açıqdır.

Töhfə Səməd