Hindistan iki ballistik raketi sınaqdan keçirdi

Hindistan "Prithvi-II" və "Agni-I" adlı iki qısa mənzilli ballistik raketi uğurla sınaqdan keçirib. 

TodayPress TV xəbər verir ki, bu barədə ölkənin Müdafiə Nazirliyi məlumat yayıb.

Sınaqlar Odişa ştatındakı Çandipur poliqonunda keçirilib. Raketlər Hindistanın Strateji Qüvvələri Komandanlığının nəzarəti altında buraxılıb və bütün texniki göstəricilər uğurla yoxlanılıb.

"Prithvi-II" raketi 250-350 km məsafəyə uça bilir və 0,5-1 ton ağırlığında döyüş başlığı daşıyır. O, dəqiq hədəfləmə və yayınma texnologiyaları ilə təchiz olunub.

"Agni-I" raketi isə 700 km-ə qədər məsafəni qət edə bilir. Bu raketlər Hindistanın strateji müdafiə arsenalının bir hissəsidir.

Türkan İsgəndərli