HƏMAS İsrailin Qəzza ilə bağlı planına cavab verdi

Fələstinin HƏMAS hərəkatı Qəzza zolağında atəşkəsə nail olmaq üçün İsraillə razılığa gəlmək məqsədilə hər cür səy göstərməyə hazır olduğunu bildirib. 

TodayPress TV xəbər verir ki, bu barədə HƏMAS-ın yaydığı bəyanatda bildirilib.

Məlumata görə, təşkilat razılaşma üçün zəmin yaradacaq addımlar atmağa hazır olduğunu bildirib.

Eyni zamanda, avqustun 8-də İsrailin Təhlükəsizlik Kabineti Baş nazir Benyamin Netanyahunun Qəzzada İsrail ordusunun (İDF) nəzarətini nəzərdə tutan planını təsdiqləyib. 

Hökumət müharibənin dayandırılması üçün beş əsas şərt irəli sürüb. Bunlar  HƏMAS-ın tam tərksilah olunması, bütün girovların azad edilməsi, Qəzza zolağının demilitarizasiyası, ərazidə təhlükəsizliyə İsrailin nəzarəti, eləcə də HƏMAS və Fələstin Administrasiyası olmadan yeni mülki hökumətin yaradılmasıdır.

Türkan İsgəndərli