"Florian" fırtınası Norveçi darmadağın etdi

Norveç yay fırtınasının təsiri altına düşüb. 

TodayPress TV xəbər verir ki, bu barədə "NRK" məlumat yayıb. 

Bildirilib ki, ölkəyə cənubdan daxil olan və "Florian" adlandırılan fırtına ciddi hava pozuntularına səbəb olub.

Fırtına ilk olaraq Danimarkada keçirilən" Tall Ships Race" adlı yelkənli yarış tədbirinə təsir edib. Meteoroloji proqnozlara əsasən, "Florian" bu gün ərzində Norveçin və İsveçin müxtəlif bölgələrini şimal istiqamətində hərəkət edərək əhatə edəcək. Axşam saatlarında fırtınanın mərkəzinin dənizə keçəcəyi gözlənilsə də, güclü küləklər davam edəcək.

Fırtına ilə müşayiət olunan intensiv yağışlar bölgədə həyatı çətinləşdirir. İndiyə qədər qeydə alınmış ən güclü külək sürəti saniyədə 34 metr təşkil edib.

Töhfə Səməd