Filippində iğtişaşlar zamanı 40-a yaxın polis yaralandı
Filippinin paytaxtı Manilada etiraz aksiyaları zamanı yaranan iğtişaşlar nəticəsində 40-a yaxın polis əməkdaşı yaralanıb.
TodayPress TV xəbər verir ki, bu barədə "GMA News" məlumat yayıb.
Polisin məlumatına görə, etirazçılar zabitlərə şüşə, boya və daş atıblar. Etirazçıların əksəriyyəti azyaşlılar olub. Asayişi pozmaqda şübhəli bilinən ümumilikdə 17 nəfər saxlanılıb, onlara daş atmaq və yük avtomobillərini yandırmaq ittihamı irəli sürülüb.
Etiraz aksiyası ölkənin daşqınla mübarizə fondundan mənimsəmə faktının aşkarlanması səbəbindən keçirilib.
