Britaniya Qəzzaya humanitar yardım edəcək
Böyük Britaniya Qəzzada su, kanalizasiya və gigiyena xidmətlərinə çıxışı təmin etmək məqsədilə 27 milyon dollar məbləğində yardım paketi təqdim edəcək.
TodayPress TV xəbər verir ki, bu barədə Britaniyanın Baş naziri Kir Starmer məlumat verib.
Britaniya hökuməti qeyd edib ki, yardım aclıq və xəstəliklərdən əziyyət çəkən insanlara yönəldiləcək.
Bundan əlavə, Britaniya Qəzzanın bərpası məsələlərinə dair üç günlük sammit keçirəcək. Bu sammitdə hökumət nümayəndələri, özəl sektor və inkişaf maliyyə institutlarının, o cümlədən Avropa Yenidənqurma və İnkişaf Bankı ilə Dünya Bankının təmsilçiləri iştirak edəcək.
Aysel Mətləb
