Aİ Putinə sülh üçün təzyiq edəcək

"Avropa İttifaqı (Aİ) Rusiya prezidenti Vladimir Putin Ukrayna ilə danışıqlarda sülhə həqiqətən hazır olana qədər Moskvaya təzyiqi artırmaq niyyətindədir".

TodayPress xəbər verir ki, bu barədə Avropa Komissiyasının rəhbəri Ursula fon der Lyayen deyib.

O qeyd edib ki, Ukrayna prezidenti Volodimir Zelenski danışıqlara hazır olsa da, Putin bu görüşə gəlməyib. 

"Bu, bir şeyi göstərir - Prezident Putin sülh istəmir. Aİ təzyiqləri artırmalı və yeni sanksiyalar üzərində işləməlidir".

Aİ-nin xarici siyasət üzrə ali nümayəndəsi Kaya Kallas da oxşar fikirlər səsləndirib. O deyib ki, danışıqlardakı son hadisələr Rusiyanın sülh niyyətində olmadığını açıq şəkildə göstərir və Moskvaya təzyiqin artırılmasını zəruri sayır.

Türkan İsgəndərli