ABŞ səfirliyi İraqdakı vətəndaşlarına xəbərdarlıq etdi
İran və İsrail arasında artan gərginlik fonunda ABŞ-nin İraqdakı səfirliyi amerikalıların sıx toplaşdığı məkanlara qarşı hücum təhlükəsinin yüksəldiyini bəyan edib.
TodayPress TV xəbər verir ki, bu barədə səfirliyin rəsmi açıqlamasında yazılıb:
“Bağdaddakı ABŞ səfirliyi xarici terror təşkilatlarının ABŞ vətəndaşlarının tez-tez ziyarət etdiyi müəssisələrə və yerlərə qarşı zorakılıq və hücumların başvermə ehtimalının artdığını qeydə alıb”.
Diplomatik missiya İraqda olan ABŞ vətəndaşlarına əcnəbilərin sıx olduğu yerlərdən və kütləvi toplaşmalardan uzaq durmağı tövsiyə edib.
Səfirlik vəziyyəti yaxından izlədiyini və zərurət olduqda əlavə məlumat verəcəyini də bildirib.
Qiymət Mahir
