ABŞ hərbçilərini Slovakiya və Macarıstandan çıxarmağı planlaşdırır

ABŞ administrasiyası dekabrda hərbçilərinin bir hissəsini  Bolqarıstan, Macarıstan və Slovakiyadan çıxarmağı planlaşdırır. 

TodayPress TV xəbər verir ki, bu barədə "Kyiv Post" nəşri məlumat yayıb.

Mənbələrin bildirdiyinə görə, Pentaqon adıçəkilən ölkələrdə “mülayim” hərbi kontingentin azaldılması strategiyasını nəzərdən keçirir. Daha geniş ixtisarların isə dekabrın ortalarınadək həyata keçirilməsi gözlənilir.

Xatırladaq ki, bundan əvvəl Rumıniya və NATO müttəfiqlərinə ABŞ ordusunun Avropadakı qüvvələrinin azaldılacağı barədə məlumat verilib. 

Məlumata əsasən, bu qərar ABŞ Prezidenti Donald Trampın administrasiyası tərəfindən “ABŞ Silahlı Qüvvələrinin qlobal mövqeyinin yenidən qiymətləndirilməsi prosesi” çərçivəsində qəbul edilib.

Qeyd edək ki, sonradan ABŞ Konqresindəki aparıcı respublikaçılar Trampın Rumıniyada yerləşən Amerika hərbçilərinin sayını azaltmaq qərarını sərt şəkildə tənqid ediblər.

Aysel Mətləb

TodayPress TV