ABŞ-də milyonlarla viza nəzərdən keçirilir

ABŞ-də etibarlı vizası olan 55 milyondan çox insanın immiqrasiya qaydalarını pozduğuna görə araşdırıldığı bildirilib. 

TodayPress TV xəbər verir ki, bu barədə ABŞ Dövlət Departamenti məlumat verib. 

Bildirilib ki, viza sahibləri viza verildikdən sonra da davamlı olaraq yoxlanılır və onlarla bağlı hər hansı qayda pozuntusu aşkarlanarsa, vizaları ləğv edilə və deportasiya oluna bilərlər.

Qurum qeyd edib ki, bu pozuntulara viza müddətinin bitməsinə baxmayaraq ölkədə qalmaq, cinayət törətmək, ictimai etimadı təhdid etmək, terror fəaliyyəti ilə məşğul olmaq və ya terror təşkilatlarını dəstəkləmək kimi hallar daxildir. 

Mütəxəssislər vurğulayıblar ki, bu addım ABŞ-nin immiqrasiya siyasətində nəzarətin daha da gücləndirilməsinə xidmət edir. 

Aysel Mətləb