"İdrak" Liseyi insidentlə bağlı AÇIQLAMA YAYDI
Bakıda yerləşən “İdrak” Liseyi baş vermiş silahlı insidentlə əlaqədar rəsmi açıqlama yayıb.
TodayPress TV xəbər verir ki, lisey rəhbərliyi yaydığı açıqlamada hadisə fonunda yaranan narahatlığın anlaşıldığını bildirib.
Qeyd olunub ki, təhsil müəssisəsində təhlükəsizlik tədbirləri daim mövcud olub və tədris prosesi hər zaman nəzarət altında həyata keçirilib.
Açıqlamada vurğulanıb ki, baş verən insident dərhal diqqətə alınıb və mövcud təhlükəsizlik və nəzarət mexanizmləri çərçivəsində idarə olunub. Hazırda şagird və müəllimlərin təhlükəsizliyi tam təmin edilir, dərslər isə normal qaydada davam edir.
Lisey rəhbərliyi bildirib ki, məsələ aidiyyəti qurumların iştirakı ilə araşdırılır və proses onların daimi nəzarəti altındadır. Valideynlərə uşaqların psixoloji durumuna mənfi təsir göstərə biləcək şayiələrə deyil, yalnız rəsmi məlumatlara etibar etmələri tövsiyə olunub.
Qeyd edək ki, Binəqədi rayonu ərazisində yerləşən "İdrak" liseyində 10-cu sinif şagirdi müəllimini ov tüfəngi ilə güllələyib. Xəsarət yetirilən müəllim xəstəxanaya yerləşdirilib, vəziyyətinin ağır olduğunu bildirilir.
Qiymət Mahir
