ABŞ-də “buynuzlu dovşan” virusu

ABŞ-nin Kolorado ştatında bəzi vəhşi dovşanlar başlarında “buynuz”a bənzər çıxıntılarla görüntülənib. 

TodayPress TV xəbər verir ki, bu barədə Kolorado Parklar və Yaban Həyatı Departamenti məlumat yayıb. 

Bildirilib ki, infeksiya adətən dovşanın baş nahiyəsində qara düyünlər şəklində yaranır, zamanla uzanaraq buynuz görünüşü ala bilir.  

Hadisə şahidlərindən biri gördüyü dovşanı “ağzının ətrafında qara çubuqlar çıxmış kimi idi” sözləri ilə təsvir edib. Onun sözlərinə görə, həmin dovşan növbəti il yenidən göründükdə çıxıntılar daha da böyüyüb. 

Virus yalnız dovşanlara yoluxur, lakin açıq havada yaşayan ev dovşanları da təsirlənə bilər.  

Aysel Mətləb