“Fənərbağça”dan Avropada növbəti addım: pley-off sevinci!
“Fənərbağça” klubu UEFA Avropa Liqasının pley-off mərhələsinə vəsiqə qazanıb.
TodayPress TV xəbər verir ki, İstanbul təmsilçisi Liqa mərhələsinin VIII turu çərçivəsində Rumıniyada FCSB ilə üz-üzə gəlib.
Buxarestdə keçirilən qarşılaşma 1:1 hesablı heç-heçə ilə başa çatıb. Oyunda hesabı 19-cu dəqiqədə İsmail Yüksek açıb. Meydan sahibləri isə 71-ci dəqiqədə Yuri Çizottinin qolu ilə tarazlığı bərpa ediblər.
Qeyd edək ki, “Fənərbağça” Liqa mərhələsində 12 xal toplayaraq 19-cu yeri tutub və bununla da Avropa Liqasının pley-off mərhələsinə yüksəlib.
Namiq HUN
