“Sumqayıt” daha bir futbolçusu ilə vidalaşdı
“Sumqayıt” klubu daha bir futbolçusu ilə yolları ayırıb.
TodayPress TV klubun mətbuat xidmətinə istinadən xəbər verir ki, yarımmüdafiəçi Murad Xaçayevlə başa çatan müqavilə yenilənməyib.
2018-ci ildən “Sumqayıt”ın uğurları üçün top qovan Murad Xaçayev ötən müddət ərzində bütün turnirlər daxil olmaqla 176 oyuna çıxıb. Onun aktivində 6 qol və 9 məhsuldar ötürmə var.
Xatırladaq ki, yay transferində Miloş Miloviç, Momo Yansane və Rövlan Muradov da “Sumqayıt”dan ayrılıb.
Namiq HUN
