“Real” Modriçin yolunu gözləyir
“Milan” klubunun xorvatiyalı yarımmüdafiəçisi Luka Modriç “Real Madrid”ə qayıda bilər.
TodayPress TV xəbər verir ki, bu barədə "Defensa Central" məlumat yayıb.
O, futbolçu karyerasını bitirdikdən sonra məşqçilik lisenziyası alacaq. Modriçin “Real”ın akademiyasının gənclərdən ibarət komandalarından birini çalışdırmağa başlayacağı bildirilir.
Qeyd edək ki, futbolçunun “Milan” klubu ilə müqaviləsi 2026-cı il iyunun 30-na qədərdir.
Xatırladaq ki, Luka Modriç 2012-2025-ci illərdə “Real”ın heyətində çıxış edib. O, klubla 28 kubok qazanıb. “Real”da 590 oyun keçirən yarımmüdafiəçi 43 qol vurub və 95 məhsuldar ötürmə edib.
Namiq HUN
