500 min dollarlıq qamçı satıldı

Hollivud ulduzu Harrison Fordin "İndiana Jones və Son Səlib yürüşü" filmində istifadə etdiyi məşhur qamçı hərracda 525 000 ABŞ dollarına satılıb.

TodayPress TV xəbər verir ki, bu barədə "Daily Mail" məlumat yayıb.

Qamçı filmdə baş qəhrəman İndi tərəfindən Müqəddəs Qrası tapmaq üçün istifadə olunub. Maraqlı məqam odur ki, bu rekvizit əvvəllər Uels şahzadəsi Dianaya məxsus olub. Harrison Ford qamçını filmin Böyük Britaniya premyerasında şahzadə Çarlza təqdim edib. Daha sonra o, bu əşyanı şahzadə Dianaya hədiyyə edib. Diana isə onu hazırkı sahibinə verib. Nə qamçının hazırkı sahibi, nə də yeni alıcının şəxsiyyəti açıqlanmayıb.

Bu satış qamçını kino tarixindəki ən bahalı rekvizitlərdən birinə çevirib.

Töhfə Səməd