İlk insanlara məxsus yeni qalıqlar tapıldı
Efiopiyada yeni insan fosilləri tapılıb. Alimlər müəyyən ediblər ki, bu fosillər 2009-cu ildə kəşf edilən və "Australopithecus deyiremeda" adlanan növə aiddir.
TodayPress TV xəbər verir ki, bu tapıntı göstərir ki, bölgədə uzun müddət yalnız "Lucy" kimi tanınan növ (Australopithecus afarensis) yaşamayıb.
Yeni fosil daha primitiv xüsusiyyətlərə malikdir və ağaclarda yaşamağa uyğun bir həyat tərzi keçirib. Məsələn, ayağındakı baş barmaq ağaclara yapışmağa kömək edirmiş.
Alimlər hesab edirlər ki, iki fərqli növ eyni ərazidə, amma müxtəlif ekoloji şəraitlərdə yanaşı yaşaya bilib. Mütəxəssislər bu kəşfi çox əhəmiyyətli sayır və insanın təkamülü haqqında yeni məlumatlar verdiyini bildirirlər.
Türkan İsgəndərli
