“Real”ın istədiyi futbolçu
“Real Madrid” klubu yayda yarımmüdafiə xəttini gücləndirməyi planlaşdırır.
TodayPress TV sport.es saytına istinadən xəbər verir ki, “kral klubu” “Mançester Siti”nin futbolçusu Rodrini transfer etmək istəyir.
“Şəhərlilər” bu transferin əleyhinədirlər. Mançester təmsilçisi futbolçuya 130 milyon avro qiymət qoyub.
“Real” Rodridən əlavə, “Milan”dan Teyani Reyndersi, “Kristal Pelas”dan Adam Uortonu, “River Pleyt”dən Frakno Mastantuononu, “Liverpul”dan Aleksis Mak Allisteri və “Çelsi”dən Enso Fernandesi də izləyir.
Sadalanan futbolçulardan ən realı transferi 50 milyon avro dəyərində qiymətləndirilən Reyndersdir.
“Milan”ın mövsümün sonunda avrokuboklara vəsiqə qazana bilməməsi onun “Real”a keçidini mümkün edə bilər.
Namiq HUN
