"Arsenal"ın baş məşqçisi unikal göstəriciyə imza atdı
"Arsenal"ın baş məşqçisi Mikel Arteta İngiltərə Premyer Liqasında unikal göstəriciyə imza atıb.
TodayPress TV xəbər verir ki, ispaniyalı mütəxəssis rəhbərlik etdiyi komanda ilə iki mövsümdə Xosep Qvardiolanın çalışdırdığı "Mançester Siti"ni qabaqlayan ilk məşqçi kimi tarixə düşüb.
Bu hal həm cari, həm də ötən mövsüm qeydə alınıb. 2024/2025 mövsümündə "Arsenal" ikinci, "Mançester Siti" isə üçüncü pillədə qərarlaşıb.
Artetadan əvvəl Premyer Liqada yalnız dörd məşqçi bir dəfəlik də olsa Qvardiolanı qabaqlamağı bacarıb. Bunlar Arne Slot ("Liverpul", 2024/2025), Yurgen Klopp ("Liverpul", 2019/2020), Maurisio Poçettino ("Tottenhem", 2016/2017) və Antonio Kontedir ("Çelsi", 2016/2017).
Qeyd edək ki, ötən gün Premyer Liqanın XXXVII turunda "Mançester Siti"nin "Bornmut"la heç-heçə etməsindən sonra komanda çempionluq şansını itirib və titul rəsmən "Arsenal"a qismət olub.
