ABŞ Kubaya qarşı sanksiyaları gücləndirir
ABŞ prezidenti Donald Tramp Kubaya qarşı sanksiyaları gücləndirən memorandum imzalayıb.
TodayPress TV xəbər verir ki, bu barədə "RBC" məlumat yayıb.
Sənədə əsasən, ABŞ vətəndaşlarının Kubaya səfəri qadağan olunur. Həmçinin, ABŞ Kubaya qarşı iqtisadi embarqonu saxlayacaq və BMT-də bu embarqonun ləğvi üçün edilən cəhdlərə qarşı çıxacaq.
Memorandum həmçinin Kuba hökuməti, ordusu, kəşfiyyatı və təhlükəsizlik qüvvələrinə fayda verən iqtisadi əməliyyatları da qadağan edir. ABŞ yalnız Kuba xalqını dəstəkləyən və siyasi məqsədlərə xidmət edən əməliyyatlara icazə verəcək.
Kubanın xarici işlər naziri Bruno Rodriguez Parrilla bu qərarı “cinayətkar” və “bütöv bir xalqın hüquqlarını pozan” kimi qiymətləndirib.
Türkan İsgəndərli
