Quş qripi COVID-19-dan daha təhlükəlidir?
Mutasiya halında quş qripi virusu bəşəriyyət üçün COVID-19 pandemiyasından daha ağır fəsadlara yol aça bilər.
TodayPress TV "Reuters"ə istinadən xəbər verir ki, bu barədə Fransanın Pasteur İnstitutu nəzdində fəaliyyət göstərən Tənəffüs İnfeksiyaları Mərkəzinin rəhbəri Mari-An Rameyks-Velti deyib.
Alimin sözlərinə görə, əsas təhlükə virusun məməlilərə, xüsusən də insanlara uyğunlaşması və insandan-insana ötürülə bilən hala gəlməsidir. O qeyd edib ki, belə bir ssenari quş qripinin pandemiya səviyyəsinə çatmasına səbəb ola bilər.
Rameyks-Veltinin bildirdiyinə görə, bu virusun daha təhlükəli tərəfi ondan ibarətdir ki, yoluxma hallarında xroniki xəstəliyi olmayan insanlarda belə ölüm riski olduqca yüksəkdir. Onun fikrincə, mümkün quş qripi pandemiyası bəşəriyyətin yaşadığı əvvəlki pandemiyadan daha ağır nəticələrə səbəb ola bilər.
Jalə Rövşən
