NBA finalı üçün uşaqlara gec yatmağa “rəsmi icazə” verildi
Nyu-York şəhərinin meri Zohran Mamdani NBA final seriyası ərəfəsində maraqlı addımı ilə diqqət çəkib.
TodayPress TV xəbər verir ki, mer “Nyu-York Niks” və “San-Antonio Spörs” basketbol klubları arasında keçiriləcək final oyunları öncəsi uşaqlar üçün zarafat xarakterli fərman imzalayıb.
Mamdani sosial şəbəkə hesabında paylaşdığı açıqlamada bildirib:
“Bu gün Nyu-Yorkda yatmaq vaxtını müvəqqəti olaraq ləğv edən fərman imzaladım ki, bütün yaş qruplarından olan uşaqlar komandamızın NBA finalındakı oyunlarını izləyə bilsinlər. Mer kimi çox çətin qərarlar qəbul etməli olursan. Amma bu onlardan biri deyil. İrəli, “Niks”!”
Qeyd edək ki, final seriyasının ilk oyunu iyunun 4-də keçiriləcək. “Nyu-York Niks” və “San-Antonio Spörs” komandaları arasında baş tutacaq görüş Bakı vaxtı ilə saat 04:30-da başlayacaq.
Namiq HUN
