Günəş sistemindən kənarda su kəşf edildi

Astronomlar ilk dəfə Günəş sisteminə bənzər bir sistemdə suyun izlərini aşkarlayıblar. 

TodayPress TV xəbər verir ki, 155 işıq ili uzaqda yerləşən "HD 181327" adlı ulduzun ətrafındakı toz və qaz diskində su buz kristalları tapılıb. 

Bu kəşf "James Webb" teleskopu vasitəsilə mümkün olub.

Alimlər bildirirlər ki, bu su, Günəş sistemindəki Kuiper qurşağındakı “çirkli qartopuları”na bənzər şəkildə diskdə yerləşir. Bu, planetlərin formalaşması və onlara suyun necə çatdırıldığı barədə yeni anlayışlar yaradır.

Araşdırmalara görə, ulduza yaxın hissədə su buxarlanır, lakin diskin kənarlarında buz kütləsinin 20%-ə qədərini təşkil edir. Su, gələcəkdə formalaşacaq planetlərə nəmlik daşıyan əsas mənbə kimi görünür.

Türkan İsgəndərli