876 kiloqramlıq nəhəng balqabaq yetişdirildi

ABŞ-nin Nyu-York ştatında mühəndis Toni Skot 876 kiloqram ağırlığında balqabaq yetişdirib. Bu, kiçik bir avtomobilin çəkisinə bərabərdir.

TodayPress TV xəbər verir ki, bu barədə "New York Post" məlumat yayıb.

Skot nəhəng balqabağına bir neçə ay ərzində hər gün qulluq edib. Onu suvarıb, gübrələyib və temperaturu qorumaq üçün gecələr yorğanla örtüb. 

Mühəndisin sözlərinə görə, o, Atlantik Nəhəngi adlı xüsusi növdən istifadə edib. Bu növ balqabaqlar gündə yüzlərlə litr su qəbul edə və təxminən 20 kiloqrama qədər çəki artıra bilir.

Skot balqabağı günəşdən qorumaq üçün örtüb, həmçinin marallardan qorumaq məqsədilə ətrafına yansıtıcı panellər və doldurulmuş canavar fiqurları qoyub.

Hazırda o, nəhəng balqabağını müxtəlif sərgilərə və festivallara təqdim edir.

Türkan İsgəndərli

TodayPress TV